2020/09-完全唔想買野⋯

 上個月整完A300之後就已經打算將呢個月嘅存款預定下個月嘅iPhone，但係中途突然對MatePad Pro產生興趣，於是係衛訊買咗部WiFi版⋯本身打算用一個月就賣（連磨砂玻璃貼都買埋）但係用咗兩個禮拜唔夠就發現我似乎發掘唔到呢舊野有咩好玩，於是索性連埋部V30Pro一齊賣。

然後整件事係9/16開始發生變化，熬夜睇完Apple發佈會之後發現自己對新嘅iPad Air好感興趣，而且因為自12.9 iPad Pro進駐我身邊以嚟我部MacBook Pro長期食塵，於是開始審視產品使用戰略並且打算改變，即下個月唔單止要買iPhone 12仲要買iPad Air，今後12.9可能留係屋企用，更多時間會帶電腦同iPad出門。

最近興趣突然發生重大變化，上個星期同朋友提到下關於VTuber周邊嘅事，然後突然發現自己已經向著追VTuber呢方面越行越遠。但係亦都感謝自己呢個極度及時嘅轉變，我先可以從一個困足兩年幾嘅情傷走返出嚟。

除咗VTB，最近打音遊嘅習慣都發生轉變，最近一得閒就開A300打DJMAX，開始發現比以前打過嘅大部分移動端音遊都好玩得多。